— 1580 —
boeran, begitoe djoega dengen jang laen-laen,"
begitoe ini gadis berkata lagi. „Iboekoe poenja
roch brangkali ada meliatin dengen teges atas
kedjadian-kedjadian jang mengantjoerken hati
pada kaoem koelawarga sendiri, jang soeda.....
Kombali Bong Loan lantas berdiam, menginget hal jang soeda-soeda membikin hatinja djadi sanget piloe, hingga tiada bisa tertahan kasediannja.
,,Akoe sendiri tiada abis mengarti, kenapa kita orang poenja kaoem koelawarga mendapet itoe pembalesan jang begitoe matjem. Baek ajah, baek pada toeroen-toeroenan jang doeloe, sabegitoe djaoe belon kedengeran berboeat perkaraperkara jang koerang bagoes jang membikin Allah djatoken peroentoengan begitoe roepa. Djoega iboekoe tentoe meliat, begimana akoe soeda dapet perhina'an besar dari menoesia kedji, sajang akoe ada saorang prempoean jang lema, tjoba kaloe saorang lelaki, soeda tentoe akoe soeda tiada ada lagi di dalem doenia, hanja soeda berkoempoel sama-sama iboekoe dan jang laen-laen di doenia baka. ...Oh, iboekoe, Oh,... sajang, sekali akoe poenja sasoeatoe perkata'an tiada dapet penjaoetan seperti pada waktoe iboekoe masi idoep. . .
Semingkin lama tangisnja Bong Loan djadi semingkin sedi, Tjeng Bwe jang kwatir nanti kedjadian apa-apa, sigra menghamperi.
