— 1579 —
Dari sitoe sateroesnja itoe gadis tengok laen-laen koeboeran dari kaoem koelawarganja Jo
Hoedjin.
Sasoedanja pasang hio Bong Loan lantas ber loetoet, pengrasahan sedi tiada ketahan, hingga di sitoe ini gadis lantas menangis tersedoe-sedoe.
„Oh iboekoe," kata itoe gadis, „sedari masi ketjil akoe dapet rawatan dalem kau poenja tangan, tapi sabelonnja akoe bisa membales apa-apa bagi itoe boedi, iboekoe soeda meninggal doenia...... Iboe poenja roch jang soetji tentoe mendapet taoe, bahoea akoe ajah dan anak, doea-doea telah meninggal roema tangga dalem keadaän jang sanget menjediken, hingga tiada bisa mengrawat ini koeboeran sebagimana moestinja. Familie Hok, jang sakean lama ada pegang kekwasahan di roema ternjata soeda tiada perloeken lagi dengen ini semoea koeboeran, sampe keadaännja djadi begini matjem.."
Bong Loan menangis teroes, hingga membikin soeker aken ia oetjapken perkata'annja.
„Sekarang anakmoe ini soeda bisa diriken sediki djasa boeat kapentingannja negri, dengen apa di harep iboekoe djoega nanti bantoe mendoeaken, soepaja akoe bisa toeloeng pada ajah dalem kasoesa'annja. Djika akoe soeda bisa berkoempoel lagi seperti jang soeda-soeda, tentoe sekali akoe nanti betoelken iboekoe poenja koe-
