— 1578 —
San. Pertama Bong Loan sampe di pakoeboerannja Touw Kong.
la meliat keada'an di sitoe dengen heran dan kaget, kerna dapet kenjata'an, roepanja tempat itoe soeda tiada di rawat sebagimana haroesnja.
Roempoet alang-alang jang boleh di kata tingginja sapendirian soeda mengiderin antero koeboeran, hingga djadi gelap; periasan-periasan batoe, seperti batoe Paij, singa singa'an, boeroeng boe- roengan, dan laen-laen poela, semoea soeda djadi roesak, antara mana soeda djadi antjoer dan katinggalan poeing-poeingnja sadja. Begitoe djoega djoebin-djoebin berkembang jang mendjadi periasan paling bagoes soeda djadi mesoem, tiada karoean matjemnja.
Bong Loan goleng kepala meliat itoe semoea. ,,Heran, baroe doea tiga taon sadja keada'an ini koeboeran soeda djadi begini matjem," kata Bong Loan. Apa brangkali Hok Tjoen soeda tiada prenta orang rawatken pada setiap taon."
,,Akoe rasa poen begitoe," saoet Tjeng Bwe. ,,Ini semoea boekan ia poenja familie, kaloe maoe tentoe djoega ia rawatin familienja sendiri."
,,Tiada boleh djadi, hal ini tentoe djoega ada sebab-sebabnja," kata poela Bong Loan sambil gojang kepala. Nanti kaloe kita soeda poelang, itoe semoea baroe ketaoean terang."
Seabisnja kata begitoe Bong Loan lantas pasang hio, dan bakar kertas djoega.
