— 1577 —
,,Ampir sadja akoe loepa!" kata Tjeng Bwe.
,,Apa?" menanja Bong. Loan.
„Kita berdoea-doea'an pergi, kaloe ada apa-apa siapa jang moesti mengasi poetoesan?"
Bong Loan berdiam. Tapi Tjeng Bwe lantas berkata: „Akoe rasa baek itoe tjap Goanswe seraken sadja si . . . . . . oh, poetri Hoan Kok, agar segala laporan bisa disampeken padanja."
Begitoe poen baek," saoet Bong Loan, jang lantas kasiken itoe tjap kabesarannja pada Tjeng Bwe. Ini boedak sigra toeroen kombali dari atas toenggangannja, teroes pergi ka kamarnja In Liong, seraken itoe dan dipesen djoega begimana ia moesti berboeat.
Kamodian itoe doea orang lantas brangkat djalan, kaloear dari pintoe kota sebla Timoer, teroes menoedjoe ka Sam Li Goan, di mana koeboerannja Jo Hoedjin dan laen-laen kaoem koelawarganja ada terletak.
Lebi doeloe dari itoe Tjeng Bwe soeda beli kertas, hio, dan laen-laen barang kaperloean boeat pasang-hio, pada sala satoe waroeng koetika maoe kaloear dari dalem kota.
Sembari berdjalan itoe doea orang sembari beromong-omong, meliat ini dan itoe, jang kliatan soeda djadi banjak beroba koetika bebrapa taon jang telah berselang.
Tiada lama ia orang telah sampe di Siauw Jan
