— 1576 —
jaitoe ditempatken dalem satoe kamar jang terpisa sendirian.
Boeat membri slamet atas itoe orang-orang jang soeda beroentoeng di dalem peprangan, Tek Lo Ya telah adaken pesta besar di dalem kota, di mana Bong Loan dioendang doedoek berdjamoe. Djoega panglima-panglima jang ada di pasanggrahan loear tiada loepoet toeroet bersenang hati. Sasoedanja poeas, itoe perdjamoean ditoetoep, pada waktoe mana Bong Loan dan Tjeng Bwe poelang ka tempatnja.
Koenjoeng-koenjoeng itoe gadis dapet inget apa-apa, maka ia lantas panggil Tjeng Bwe dan berkata: Soeda lama akoe tiada dateng meliat koeboerannja Jo Hoedjin, maka kabetoelan kita mampir di sini, akoe ada niatan aken tengok ka sana."
,,Akoe ada bersedia aken mengiring pada Siotjia," kata Tjeng Bwe. „Kaloe begitoe pergilah ambil doea koeda, boeat kita orang pergi ka sana," kata poela Bong Loan.
Tjeng Bwe trima itoe prenta. Tiada lama ia soeda balik kombali dan kasi taoe koeda soeda disediaken.
Sasoedanja berdandan rapi, jaitoe berpakean setjara orang pemboeroe, itoe doea orang lantas lompat ka atas koedanja.
Ko Teng Tjan
100
