— 1549 —
lama hamba niat aken permisi sama Bagindadan Hong Houw aken poelang ka kampoeng sendiri, tapi sebab belon dateng temponja jang baek, maka sabegiloe lama hamba tinggal diam sadja.
Sekarang kabetoelan ada barisan negri dateng di sini, maka hamba ambil poetoesan aken toeroet pada marika itoe poelang ka kota radja.
Pada Baginda dan Permisoeri, begitoė djoega sekalian familie radja, dengen ini hamba hatoerken trima kasi dan mengasi slamet tinggal.
Dari hal Gie Heng Ya Loet Sioe San, djanganlah terlaloe di boeat iboek; boeat bales Baginda dan Hong Houw ampoenja boedi, sebrapa bisa hamba nanti madjoeken perkata'an pada itoe kapala prang, soepaja ia dilepas dan dikasi poelang ka dalem negri.
Tertinggal hamba poenja hormat:
Kou Tjan alias In Liong."
Sebagi orang mengimpi sedar, begitoe djoega dalem hal itoe Pak An Ong baroe mendoesin,
bahoea sabegitoe lama matanja soeda tertoetoep dan tiada taoe dengen itoe penjamaran jang gaib. Sigra ia kasiken itoe soerat, di tangannja Ang Hong Houw, jang djoega djadi sanget heran dan boeat pikiran.
