— 1550 —
„Soenggoe inilah ada satoe perkara jang aneh sekali!” kata itoe radja asing.
„Hamba poen merasa sanget gegetoen!” kata Ang Hong Houw. „Kou Kongtjoe poenja tjara menjamar ada begitoe bagoes, tingka lakoenja begitoe aloes, inilah jang membikin kita orang sakean lama di bikin sebagi boeta!”
Poet Hoa Sinsiang, Ang Kokkioe, demikian poen laen-laen pembesar, tiada ada satoe jang tiada mendjadi heran.
„Sekarang begimana?” kata Pak An Ong kamodian dengen roepa doeka. "Oepama boeroeng itoe soeda terlepas dari koeroengan dan sanget merdika. Dalem oeroesan ini, boekan sadja kita moesti menanggoeng roegi, djoega prihal poelangnja Taij Tjoe ka negri sendiri ada satoe pengharapan jang soeker terdjadi.
Sasoedanja kata begitoe Pak An Ong lantas menangis.
Ang Hong Houw laloe hiboerken hatinja baginda seraja berkata: „Hamba rasa hal itoe tiada perloe aken Taij Ong boeat pikiran, kerna dalem itoe soerat Kou Kongtjoe ada menerangken, sebrapa bisa ia aken menoeloeng pada Taij Tjoe.”
Maski begitoe, hal ini kami sanget boeat pikiran,” kata poela Pak An Ong. „Gi Tje liat sendiri, doedoeknja perkara soeda djadi laen dari pada permoela kali, jang mana itoelah membikin
