— 1510 —
soek ka dalem pasanggrahan dan laporken hal itoe pada Tjio Hoaij Giok.
Atas prentanja ini Sianhong, itoe doea orang disilaken masoek ka dalem pasanggrahannja, di mana sebagimana pantes ia trima kedatengannja itoe doea panglima moesoe.
„Atas titanja Pak An Ong akoe dateng ka mari minta bertemoe pada Song Tiauw Taij Goan- swe,” kata Poet Hoa „maka apatah Tjiangkoen soeka menganter akoe berdoea sampe di pasanggrahannja?”
„Ada oeroesan apa kau maoe ketemoeken akoe poenja kapala prang?” menanja Tjio Hoaij Giok.
„Menjesel akoe tiada bole bertjerita apa-apa pada Tjiangkoen,” menjaoet Poet Hoa.
—„Lantaran begimana?”
—„Lantaran oeroesan itoe ada sanget penting.”
—„Tapi akoe toch apa panglima negri, dalem oeroesan prang akoe wadjib mendapat taoe hal apa-apa.”
—„Betoel begitoe, tapi akoe poenja radja pesen jang akoe tjoema boleh bitjara sama Goanswe sendiri.”
—„Tapi apa tiada djadi kau poenja kedatengan hendak menipoe pada kita orang?” begitoe Hoaij Giok menanja, kerna meliat kelakoeannja itoe doea orang ada laen dari grakan biasa, dan hatinja dapet pengrasahan jang tiada mengasi.
