— 1509 —
ia kata: „Akoe rasa tjoema dengen ini djalan kita nanti bisa bekerdja dengen berhasil.”
Ang Kokkioe kaliatan girang, satoe tanda ia merasa setoedjoe dengen pikiran jang dihatoerken oleh itoe ferdana mantri.
Ini doea pembesar sigra boeka pakean prangnja, boeat gantinja pake pakean persakitan. Sasoedanja pesen pada bebrapa panglima aken mendjaga baek pasanggrahannja, sigra ia orang berlaloe dan manoedjoe ka pasisir sebla Selatan dari soengei Hek Ho, di mana pasanggrahannja Hoaij Giok ada terletak.
Sigra ia orang telah sampe di itoe tempat jang ditoedjoe.
Di sepandjang pinggiran soengei ada ditempatken banjak soldadoe djaga. Antaranja marika itoe telah dapet liat moesoenja toeroen ka soengei dan kamodian mendajoeng satoe praoe ketjil ka sebla tenga. Itoe bebrapa soldadoe djaga sigra treakin kawannja aken lepasken pana.
Tapi Poet Hoa sigra bertreak dengen keras katanja: „Kita orang telah trima prentanja Pak An Ong dateng di sini, pergilah kasi taoe pada kau poenja kapala prang, bahoea akoe minta bertemoe padanja aken membitjaraken satoe perkara penting!”
Mendenger begitoe itoe bebrapa soldadoe tiada brani berboeat apa-apa, hanja lantas tjepet ma-
