— 1511 —
„Akoe di bilang maoe menipoe? kata Poet Hoa dengen roepa kaget.
„Ja, akoe kwatir kau poenja kedatengan dalem pasangrahan dan kota tjoema perloe boeat intip kita orang poenja keada'an, tegesnja boekan bermaksoed baek!" kata Tjio Hoaij Giok.
„Demi Allah, tiada sekali-kali akoe ada mengandoeng niatan jang tiada baek!" kata Poet Hoa dengen soempanja.
Sabenernja memang Hoaij Giok ada menaro tjoeriga pada itoe orang, kerna ia kwatir kedatengannja itoe orang berdoea ada mengandoeng maksoed jang koerang baek. Tapi kamodian ia pikir, kaloe ia tiada idjinken itoe doea orang, ia kwatir dapet sala, maka ia lantas panggil doea panglimanja, prenta anterin itoe doea orang ka kota Gan Boen Koan, pasanggrahannja Bong Loan.
Ditenga djalan ia orang tiada berkata-kata, dan tiada lama telah sampe di moeka kota Gan Boen Koan.
Sapoeter kota terseboet ada di djaga oleh ampat barisan jang di peralatin dengen berbagi-bagi sendjata, hingga itoe doea panglima bangsa asing baroe dapet mengetahoei, bahoea kapala prang moesoe sasoenggoenja ada sanget tertip.
Sasoeatoe orang jang hendak masoek ka dalem kota telah di preksa dengen zonder ada katjoealinja, begitoe djoega itoe ampat orang, maski
