— 1508 —
„Biar begimana djoega kita orang tiada nanti bisa ambil menang, kerna moesoe sanget pande mengatoer daja oepaja, sedeng kita poenja ihak tjoema goenaken sadja kakoeatan tenaga,” kata poela Poet Hoa. Sekarang ini kita tjoema perloe membri pertoeloengan pada Taij Tjoe dari tawanan moesoe, kaloe itoe maksoed soeda dapet di sampeken, baroe kita orang berdami aken membales sakit hati.”
—„Tjobalah Sinsiang kasi pikiran, begimana kita haroes berboeat dalem itoe oeroesan?”
—„Hal itoe moesti dipikir dengen pelahan, kaloe bekerdja dengen terboeroe-boeroe, boekan sadja tiada nanti membri asil sebagimana jang diharep, sebaliknja diri sendiri bisa mendapet tjilaka.”
—„Tapi salekasnja akoe minta Sinsiang lantas njataken apa-apa, sebab kaloe lambat sedikit, akoe slempang moesoe soęda berboeat tiada baek atas dirinja Taij Tjoe.”
Poet Hoa Sinsiang lantas berbangkit dari tempat doedoeknja, ia djalan moendar mandir di dalem pasanggrahan selakoe orang lagi tjari pikiran. Kamodian dengen roepa girang ia doedoek kombali.
„Kita orang moesti berlakoe begini.. . . . . . . . . . seabisnja kata begitoe ia berkata pelahan-pelahan, dan boeat penoetoep bitjaranja
