— 1468 —
danja sembari poeter ia poenja sendjata golok.
„Song Tjiang!" treak Wa Dji Tjeng. Siapa kau poenja nama? Akoe rasa kau dateng di sini perloenja tjoema maoe tjari mati sadja!"
Ouw jan Peng djadi mara sekali. la poeter toembaknja, sasoedanja kasi taoe nama sendiri ia laloe berkata: "Angkau tiada lebi dari binafang andjing jang tiada ternama, begimana brani omong besar di hadepan panglima negri besar seperti akoe ini!"
Wa Dji Tjeng tiada berkata lagi, hanja membatjok dengen goloknja, jang mana sigra di tangkis oleh Ouw-jan Peng. Ka doea orang itoe lantas bertanding dengen heibat sekali.
Haroes di seboet sasoenggoenja Wa Dji Tjeng itoe ada sanget, gaga kerna baroe bertempoer kira- kira tiga poeloe djoeroes Ouw-jan Peng merasa tiada sanggoep dan teroes melariken diri, dengen di'ikoet oleh sekalian tentaranja.
„”Ha, ha, ha, begitoe matjem satoe panglima dari negri besar!" kata Wa Dji Tjeng sambil tertawa keras, dan ia lantas prenta tentaranja mengedjer pada moesoe.
Dengen goembira tentara Pak Hoan lantas memboeroe, reboet itoe gerobak-gerobak. Ouw jan Peng tiada brani melawan, djoega ia tiada tjoba reboet poelang itoe kandaran-kandaran jang di
