— 1469 —
ambil oleh moesoe, hanja adjak barisannja poelang ka pasanggrahan.
The Tok jang bikin penjerangan ka pintoe kota sebla Oetara telah berprang sama Tiat Houw, Beng Jang menjeraug pintoe kota Barat berprang sama Kim Liong, Tjiauw Eng jang menjerang pintoe kota sebla Timoer bertaroeng sama Wa Dji Ang, itoe tiga panglima negri, seperti kedjadian pada Ouw-jan Peng, djoega satoe-persatoe telah lari poelang dengen tinggalken ia orang poenja gerobak prang di tangan moesoe.
Wa Dji Tjeng dengen kemenangan lantas tarik poelang barisannja, ia laloe preksa itoe gerobak- gerobak rampasan, di mana ia dapet kenjataan tiada berisi apa-apa, selaennja kertas kertas sadja.
„Akoe denger panglima prang Song Tiauw semoea pande, tapi kenapa tjaranja ia mengatoer prang begini matjem !" kata Wa Dji Tjeng sambil tertawa. Apa perloenja sama ini gerobak-gerobak jang penoe dengen segala kertas! Oh, apa brangkali ia orang ada goenaken ilmoe siloeman, boeat bikin binasa pada kita orang!"
Seabisnja kata, begitoe ini panglima lantas prenta tentaranja bawa itoe gerobak-gerobak kaloear pasanggrahan, di mana satoe persatoe laloe dikabar.
Bong Loan jang menoenggoe ampat panglima-
