— 1466 —
Wa Dil Tjeng, Wa Dji Ang, Kim Houw dan Tiat Hauw ampat panglimanja, masing2 mengepalaken bebrapa riboe soldadoe menjerang dari ampat pendjoeroe pintoe kota Gan Boen Koan.
Penjerangan-penjerangan heibat soeda di bikin oleh itoe ampat ponggawa, tapi sabegitoe lama tinggal pertjoema sadja.
Tjio Tjong Tin jang mendjaga kota terseboet jalah Kaij-Kie Goan-Hoen Tjio Sioe Sin poenja toeroenan maka tiada oesa heran kaloe ia soeda bekerdja dengen tjakep dalem kewadjiban. Laen dari begitoe ini panglima memang ada terkenal gaga perkasa hingga tiada gampang panglima Pak Hoan bisa bikin petja pada kota terseboet.
Lantaran sakean lama maksoednja tiada bisa di sampeken, maka Prins Ya Loet Sioe San 'prenta koeroeng sadja itoe kota dengen keras, soepaja moesoe di dalem kota poetoes perhoeboengannja dengen oeroesan di loear, lama kelama'an tentoe marika kakoerangan ramsoem dan menaloek sendirinja..
Tapi siapa njana persedia'an ramsoem dalem itoe kota ada sampe tjoekoep, hingga sekalipoen soeda terkoeroeng begitoė lama, keada'an di dalem kota masi tinggal tiada beroba sebagimana parmoela kali.
Wa Dji Tjeng jang mendjaga di pintoe kota sebla Selatan, ada paling keras bikin penjerangan
