— 1465 —
kantah baroesan ia bilang, siapa jang brani berlakoe alpa, orang itoe aken trima hoekoeman
menoeroet wet prang?"
„Ah, tapi akoe masi sangsi," kata The Tok, begimana orang jang kala prang bisa dapet pahala?"
„Apa kita maoe perdoeli!" kata poela Tjiauw Eng. „Goanswe soeda mengatoer prenta begitce roepa, kita haroes bekerdja dengen menoeroet djalannja ia poenja atoeran."
Itoe bebrapa panglima lantas atoer barisannja dan teroes brangkat djalan, tapi maskipoen begitoe, hatinja marika itoe satoe persatoe merasa tiada laloeasa.
Sedeng di fihaknja tentara negri atoer penjerangan, baeklah sekarang kita liat keada'annja marika itoe.
Angkatan prang bangsa asing jang menjerang kota Gan Boen Koan ada berdjoembla kira-kira doea ratoes riboe djiwa, jang mana ada di kepalaken oleh Prins. Ya Loet Sioe San, Poet Hoa Sinsiang, Kokkioe Ang Kit Lek Haij dan banjak poela panglima prang laen jang terkenal gaga perkasa.
Pasanggrahan besar dari itoe tentara negri asing ada di diriken di deket soengei Hek Ho poenja gili-gili sebla Oetara.
Prins Ya Loet Sioe San telah titaken Taij Totok
