— 1462 —
toekang-toekang kajoe dan toekang bikin pana.
Ko Siotjia minta disediaken dengen lekas 2 riboe
gerobak dan bebrapa riboe anak pana; pakerdja'an itoe salekasnja moesti dibikin rampoeng, kerna perloe maoe dipake dalem peprangan.
Oleh kerna di kerdjaken sama begitoe banjak toekang, maka tiada oesa heran kaloe dalem tempo bebrapa blas hari sadja itoe gerobak dan anak pana soeda rampoeng di kerdjaken menoeroet djoembla jang di minta oleh Ko Siotjia. Sasoedanja itoe barang kaperloean di bikin sedia Bong Loan lantas prenta rombak pasangrahannja dan teroes brangkat poela ka kota Gan Boen Koan.
Terlebi doeloe Ko Siotjia prenta bebrapa orang jang tjerdik pergi serepin keada'an moesoe di sana, dari siapa ia dapet ketrangan, moesoe lagi mengepoeng itoe kota dengen rapet sekali.
Peprangan masi berdjalan teroes, tapi kebanjakan pembesar kota terseboet selaloe mendjaga, kerna djoemblanja moesoe jang mengepoeng itoe kota ada sanget besar.
Tatkala angkatan prangnja sampe di sana, Bong Loan lantas prenta diriken pasanggrahan kira-kira terpisa doea poeloe li djaoenja dari tempat moesoe.
Esoknja Bong Loan koempoelken sekalian panglimanja. la prenta atoer lima ratoes grobak
