— 1463 —
itoe di depan pasanggrahan; itoe gerobak-gerobak satoe persatoe ada di isiken kertas kertas
koening, di mana ada di toelisken hoeroef seperti Hoe, kertas-kertas antjoer dan antaranja
terdapet djoega bebrapa anak-anakan kertas, matjemnja seperti Te-Sin. Djoega ada ditaroken
doea bendera jang berwarna.
Itoe gerobak gerobak ditarik oleh doea orang, jang pake-pakean prang tersaloet wadja.
Semoea panglima prang koetika meliat tjaranja ia poenja Goanswe atoer itoe gerobak, hatinja merasa heran dan tiada dapet artiken, apa maksoednja dibikin begitoe roepa.
Kamodian Bong Loan panggil Ouw-jan Peng, The Tok, Beng Jang dan Tjiauw Eng ampat panglima prang, sama siapa ia membri prenta.
„Tjiangkoen satoe persatoe boleh mengepalaken sariboe soldadoe dan menjerang pada ampat pintoe kota dengen madjoeken ini gerobak- gerobak," kata ia, dalem peprangan ini tiada perloe di ambil kemenangan; lagi kaloe moesoe rampas ini gerobak djangan tjoba mereboet lagi, hanja poelang sadja ka pasanggrahan sendiri. Perhatikenlah ini prenta, siapa jang tiada mendjalanken pakerdja'an sebagimana moestinja, nistjaja aken trima hoekoeman menoeroet atoeran prang."
Semoea panglima mendenger begitoe merasa
