— 1461 —
dan Tjo Goanswe di idjinken boeat membantoe
padanja."
„Akoe poen memang ada mengandoeng itoe pikiran dan hendak soeroe, kau pergi ka sana,' kata Ko Kong, tjoema sadja kau moesti inget, ia poenja brangkat ka sana soeda lama. Tentoe marika itoe soeda saling serang menjerang, dan inilah jang akoe sanget kwatir."
So Nio djoega njataken setoedjoe kaloe Song In dan Tjo Goanswe berdoea pergi membantoe pada Bong Loan.
Djago prempean oendjoek
kegaga'an jang mengagoemken
di dalem peprangan. Tentara
negri asing tiada sanggoep me-
nangkis serangannja pasoekan
moesoenja.
Di sini kita tinggalken Ko Kong dan jang laen-laen dalem perdjalanan poelang ka kota radja, sekarang kita adjak pembatja meliat pada Ko Bong Loan, jang pada itoe hari dengen barisannja telah brangkat ka Oetara.
Koetika berdjalan stenga boelan lamanja, pada satoe hari itoe angkatan prang. sampe di tana Jan, di mana Ko Siotjia sigra prenta diriken pasanggrahan. Di sitoe ia atoer prenta aken tjari
