— 1452 —
Kamodian ia poenja soedara beroleh pangkat, di waktoe mana Gak Kong dan sekalian familienja, sekalian maoe melindoengken diri, telah brangkat ka kota radja aken tengok djoega ia poenja soedara di sana.
Sasoeda tinggal di sana satoe boelan lamanja, Gak Kong dapet inget poela pada itoe familie Pang, maka itoe waktoe ia lantas kirim soerat pada Pang Hoedjin, minta itoe njonja dan anaknja dateng ka kota radja dan berkoempoel satoe sama laen.
Siok Nio koetika trima itoe soerat lantas bri taoe pada So Nio, begitoelah pada satoe hari itoe sekalian familie telah brangkat dari kampoengnja. Dengen doedoek praoe ia orang belajar ka kota radja.
Demikianlah ada bebrapa hal jang terdjadi pada itoe kaoem koelawarga selama bebrapa taon lamanja.
The Koen tjoema taoe So Nio telah binasaken dirinja dengen tjeboerken diri di kali, tapi ia sama sekali tiada dapet taoe kaloe itoe njonja soeda dapet pertoeloengan dari soedaranja, maka tentoe sadja ia separo pertjaja separo tiada koetika berhadepan pada itoe njonja bangsawan.
Tapi sebaliknja So Nio djadi sanget girang koetika dapet kenjata'an bahoea orang itoe sasoenggoenja The Koen sendiri; di sitoe ia lantas toetoerken perkara-perkara jang telah kedja-
