— 1453 —
dian pada txDempo hari, jaitoe begimana lantaran tiada sanggoep menahan banjak kasoekeran hati, teroetama ilangnja Song In, ia telah ambil poetoesan nekat, begimana dalem itoe bahaja besar ia dapet pertoeloengan dari Siok Nio, dan laen-laen hal lagi jang terdjadi, hingga koetika denger itoe tjerita The Koen telah kaloearken treakan girang.
„Angkau begimana boleh ada di sini?" begitoelah kamodian itoe njonja bangsawan menanja. „Tjianswe ada di mana? Apa ia masi ada di kota Gan Boen Koan?"
So Nio tiada mendapet taoe satoe apa tentang Ko Kong dapet itoe katjilaka'an, maka sabegitoe lama ia kira swaminja masi ada di negri sebla Oetara.
The Koen sigra berloetoet dan sigra menangis.
„Naij Naij hareplah kau ma'afken lantaran akoe soeda berlakoe koerang hormat," kata The Koen, „akoe dapet ketrangan jang memastiken bahoea Naij Naij soeda binasaken djiwa di kali, maka akoe soeda oetjapken perkata'an jang boekan-boekan."
„Oh, itoelah kau djangan seboetken, Tjong- koan," kata So Nio dengen terharoe, „bangoen- lah, tjoba angkau tjeritaken, begimana dengen keada'an Tjianswe?"
