— 1439 —
djangan mengganggoe pada kita orang, kerna kau
binasa lantaran sebab kakedjemanmoe sendiri!"
Begitoelah ini doea menoesia kedji jang berhati
temaha ganti-berganti memperhinaken pada Ong
Ma, kamodian sasoedanja poeas, Kwe Si pegang
tangannja, Tjo Mama pegang kakinja, dengen
keras ia lemparken itoe orang jang soeda tiada
berdaja kadalem hati.
„Goebiaraarrr!" begitoelah kadengeran swaranja Ong Ma djato ka dalem aer. Berbareng dengen itoe lantas terdenger swara treakan keras, dan swara itoe begitoe njata, jaitoe dalem itoe prace besar, praoenja Ko Kong.
„Oh, djahanam, kenapa kau sampe begitoe kedjem!" begitoelah k dengeran itoe treakan, hingga Kwe Si dan Tjo Mama djadi sanget kaget, sampe seantero badannja bergemeter keras.
Itoe soeara treakan jalah ada seroeannja The An Gin.
Dari masi sore An Gin bersama bebrapa pengikoetnja moendar-mandir meronda di seantero praoe, kerna ia ini memang terkenal sanget tertip dalem sasoeatoe pakerdja'an; terlebi poela ia taoe itoe waktue ada di dalem keada'an kaloet, maka lantaran kwatir ada orang dari kaoem peroesoe jang dateng menggangoe, maka ia tiada brani tidoer.
Kira-kira djam sablas bersama pengikoetnja ia