— 1440 —
balik poela ka dalem praoenja Ko Kong, di mana
ia berkoempoel di blakang praoe sembari berbaring. Koenjoeng-koenjoeng An Gin dapet denger swara orang mengomong, swara itoe ada
njata swaranja orang prampoean. la bangoen
berdoedoek dan meliat ka djoeroesan blakang, di
mana pada satoe praoe ada doedoek tiga orang
prempoean.
la sama seka li tiada dapet taoe kaloe tiga orang itoe lagi bekerdja apa apa, tjoema ia doega orang itoe lagi bersoeka soeka hati, kerna pernanja djaoe djoega, maka ia tiada dapet liat kaloe marika itoe lagi doedoek minoem arak.
An Gin rebaken lagi dirinja, tapi ia pasang koeping mendengerin pembitjara'annja itoe tiga orang, jang sabentar kadengeran tertawa dan sabentar kadengeran mengomong leloetjon.
Tapi kamodian dengen kaget An Gin bangoen kombali, seraja memandang lebi teges ka itoe praoe, di mana sekarang lantaran terangnja remboelan ia dapet liat, doea orang lagi berdiri, dan satoe orang soeda mengglepak.
An Gin baroe taoe, kaloe tiga orang itoe ladi lagi minoem arak.
Jang membikin ia djadi kaget, adalah sebab denger perkata'annja Kwe Si dan Tjo mama, kamodian ia dapet liat, begimana itoe doea orang soeda ajoen temennja ka dalem kali.
