— 1422 —
ini kaberoentoengan, zonder bekerdja kita nanti bisa idoep besar sebagi orang hartawan!“
„Ja, betoel enak tapi kaloe peroentoengan kita djelek, satoe waktoe hal ini bisa berbalik tiada baek boeat kita poenja keada'an berdoea!“kata Tjo Mama.
„Kenapa begitoe?“ menanja Kwe Si.
„Siapa taoe kaloe kamodian hari Keng Hoa bales sakit hati, atawa ada satoe atawa laen familienja jang mendapet taoe, tentoe ia tiada aken tinggal diam ini oeroesan.“
—„Siapatah jang nanti bela padanja? Akoe soeda bilang, ia tiada ada poenja familie.“
—„Kapan ia ada poenja soedara lelaki?“,
„Itoe djangan di seboet lagi! In Liong sekarang soeda djadi setan jang tiada kapalanja di goenoeng Ngo Siong San!“
―„Hal ini akoe belon bisa pertjaja abis!“
―„Lantaran?“
―„Lantaran sebagitoe lama belon ada kabar apa-apa jang memastiken kabenerannja itoe perkara. Kwe Tiong jang di pertjajaken itoe oeroe- san sampe sekarang tiada kliatan mata idoengnja, apa ia soeda bekerdja dengen baek atawa belon, boeat kita ada sanget gelap. Lagi sekarang akoe bisa mengabarken pada kau, dari brapa orang akoe denger tjerita tentang itoe penjerangan pada orang-orang politie di goenoeng Ngo Siong San,“
