— 1421 —
dari itoe kampoeng kira-kira soeda satoe boelan lebi lamanja.
Satelah singga di kota Hang Tjioe sampe bebrapa hari lamanja, pada satoe hari Tjo Goanswe telah prenta bikin sedia praoe di plaboean Lim-Peng, koetika persedia'an itoe soeda djadi slese, itoe kapala prang dan barisannja toeroen ka dalem praoe brangkat dari kota Hang Tjioe aken poelang ka kota radja.
Sekarang kita tinggalken doeloe pada Peng Lam Taij Goanswe dan barisannja jang ada dalem perdjalanan poelang, di sini baek kita tjari taoe begimana telah terdjadi atas dirinja Kwe Si, jang sebegitoe lama kita soeda tinggalken padanja.
Dengen itoe bebrapa ratoes tail jang ia trima dari Ong Ma sebagi pendjoealan dari harganja Keng Hoa Siotjia, itoe prempoean doerhaka bersama Tjo Ma Ma berdjalan poelang dengen sanget girang, marika berdoea sedikit djoega tiada merasa djidji dengen itoe tjara jang sanget kedji.
Itoe oewang terkedjoet, setiap hari di goenaken boeat plesir maka minoem oleh itoe doea menoesia keparat; setiap hari tiada poetoesannja marika bersoeka-soeka hati.
„Sasoenggoenja Mama poenja tjara bekerdja ada sanget menjenangken.“ begitoelah kata Kwe Si koetika lagi doedoek makan minoem bersama kontjonja, „kaloe selamanja kita bisa mendapet
