— 1420 —
Tatkala oendoer dari perdjamoean, Tjo Goanswe sigra toelis, soerat, kamodian prenta sala satoe hambanja pergi bawa itoe pada Gak Kong di kampoeng Hong Lioe Tjoan. Dalem itoe soerat ada di beri taoe, bahoea tiada bebrapa hari lagi ia Tjo Goanswe aken dateng di sana; lebi djaoe ada di tanja tentang kwarasanja itoe familie dan menanja djoega begimana ka ada'annja Keng Hoa Siotjia.
Esok paginja orang jang di prenta telah balik kombali dan kasi taoe, kaloe orang jang maoe di kasi soerat soeda tiada ada di itoe tempat.
„Ia orang ada di mana?“ Menanja Tjo Goanswe dengen sanget terkedjoet. Apa kau tiada tjari ketrangan, ka mana itoe orang-orang telah pergi.“
„Soeda, tapi akoe rasa hal itoe tiada tjoekoep aken bikin Goanswe djadi berkwatir,“ saoet itoe hamba jang di tanja „menoeroet bebrapa orang di sana jang akoe minta ketrangan dan kasi taoe, lantaran ada terbit kariboetan, dan djoega sekalian hendak tengok familinja jang soeda beroleh pangkat di kota radja, Gak Kong adjak sekalian kaoem koelawarganja pergi ka sana.“
„Kira-kira soeda brapa lama ia orang pergi dari itoe kampoeng?“ menanja poela itoe kapala prang, jang merasa lega hatinja sasoedanja dapet itoe ketrangan.
Orang jang di tanja bri taoe, Gak Kong berlaloe
