— 1417 —
toeroet dalem pakerdja'annja The Sioe-pi, dengen mendjabat pangkat Kie Paij dalem angkatan prang di kota Hoe Jang Koan, dan itoe tempo ia ada toeroet pada The Sioe-pi dateng di kota Hang Tjioe.
Dalem pakerdja'annja jang baroe Tjoei Tjeng bisa bekerdja dengen baek dan menjenangken, maka The Sioe-pi sajang padanja.
Itoe pembesar Militaire dari Hoe Jang Koan telah oendang Tjo Goanswe dalem satoe perdjamoean jang dibikin dalem gedong Kong Koan di itoe kota.
Ka doea sobat itoe doedoek bitjara dari bebrapa hal jang terdjadi dalem bebrapa taon jang telah laloe, sepandjang mendenger oràng poenja pembitjara'an, Tjoei Tjeng jang ada berdiri di blakangnja The Sioe-pi saban-saban tertawa, hingga itoe pembesar minta ia lantas berlaloe dari sitoe. Koetika Tjoei Tjeng berdjalan kaloear, Tjo Goanswe menanja, kenapa itoe orang di soeroe kaloear.
„Akoe selaloe soeka permaenken padanja, dan ia sanget setia, kerna sabegitoe lama ia tinggal senang dengen akoe poenja tjara,“ saoet The Sioe-pi.
„Akoe poen liat itoe orang dia ada sampe tjakep boeat di seraken dalem oeroesan jang penting,“ kata Tjo Goanswe.
