— 1418 —
—„Itoelah memang tiada lebi dari pantes Djoega akoe maoe terangken sekarang, itoe orang ada Goanswe poenja penoeloeng jang teroetama.“
—„Akoe poenja penoeloeng?“
—„Ja.“
―„Dari oeroesan apa? Soekalah kiranja Tjiokhe mengasi taoe, soepaja dengen sepantesnja akoe hatoerken trima kasi.“
—„Waktoe Goanswe dan Kou Kongtjoe maoe di tangkep oleh orang orang politie di Djin Ho Koan, itoe orang jang pertama telah membri kabar padakoe...“
Berkata sampe di sitoe The Sioe-pi lantas omong bisik-bisik, begimana pada itoe hari diam diam ia panaken satoe soerat ka dalem gedong familie Tjo, aken minta soepaja orang dalem itoe roema tjepet singkirken diri.
Mendenger begitoe Tjo Goanswe lantas berbangkit, tapi The Sioe-pi roepanja soeda taoe maksoed apa itoe kapala prang maoe berboeat, kerna itoe tempo ia poen bangoen dari tempat doedoeknja.
„Doedoek sadja Goanswe,“ kata ia dengen tersenjoem „sebagi pada satoe sobat, saharoesnja akoe menoeloeng.“"
„Sekarang akoe baroe mendoesin, kaloe Tjiokhe ada itoe orang penoeloeng,“ kata Tjo Goanswe, „maka sekarang akoe rasa belon djadi kasep aken membilang trima kasi.“
