— 1416 —
dan menganter marika itoe sampe bebrapa blas li baroe poelang kombali ka kota Tjoe Kat Shia.
Sasoedanja djalan bebrapa hari lamanja, pada satoe hari Tjo Goanswe dan pasoekannja telah sampe di kota Hang Tjioe, di mana ini kapala prang telah disamboet oleh sekalian pembesar di itoe kota dengen kahormatan besar.
Tjo Goanswe sigra angkat bitjara di hadepan sekalian rahajat negri, hiboerken marika itoe seraja berkata: „Keamanan di dalem kota, selaennja bergantoeng dengen orang jang mendjadi pembesar, teroetama jalah rahajat negri moestibisa hargaken oendang-oendang negri, toeroet prentanja orang jang di pertoean. Djika kau orang di perlakoeken tiada baek oleh orang jang lebi atas, soekalah hal itoe dilaporken pada jang berwadjib, soepaja bisa diambil atoeran begimana baeknja; djanganlah lantaran perkara ketjil didendem dalem hati, bikin permoefaketan ini atawa itoe, jang berati aken membikin koerang santausa keada'an di dalem kota.“
Pembitjara'annja itoe kapala prang telah di samboet dengen tampik soerak oleh semoea orang.
Paling blakang Tjo Goanswe telah trima koendjoengannja The Sioepi dari Hoe Jang Koan.
Cipier boei Tjoei Tjeng koetika itoe soeda tiada pegang pakerdja'annja jang lama, hanja
Ko Teng Tjan.
90
