— 1415 —
kau dan Tjo Kongtjoe masing-masing soeda dapet pangkat Goanswe dan Dji Lo Goanswe hal itoe membikin akoe djadi girang sekali.
Dengen pengharepan dan atas koernianja Thian akoe minta, soepaja kau beroleh kamenangan dan keselamatan di dalem peprangan. Kau poenja Dji Ko, Sioe Tji, ada di mana? Akoe harep kau soeka berlakoe baek padanja, kerna akoe dapet kenjata'an, orang itoe aken membawa kapentingan atas dirimoe.
Dari kau poenja soedara:
Sian Sioe Djin."
Ko Kong, Tjo Goanswe dan jang laen-laen poen batja itoe soerat, jang mana satoe persatoe telah njataken poedjian atas kebadjikannja Sian Wan-gwe, jang senantiasa ada taro perhatian atas dirinja itoe orang moeda.
Esoknja kombali Kioe Tjianswe boeka, pesta besar, di mana ia menghatoerken slamat djalan pada Ko Kong dan jang laen laen, serta kasiken djoega ia poenja sapoetjoek soerat, boeat di sampeken pada Sri Baginda. Lebi doeloe dari itoe Tjo Goanswe soeda atoer barisannja, maka koetika pesta sampe di achirnja, Ko Kong dan semoea orang lantas berpamitan sama Kioe Tjianswe dan teroes brangkat djalan.
Dalem itoe perdjalanan, Kioe Tjianswe telah mengirim bebrapa pembesar sebagi ia poenja wakil,
