— 1412 —
Boeat hal itoe djanganlah angkau terlaloe bergirang, kerna berhoeboeng dengen ini oeroesanhatikoe merasa sanget berdoeka,“ kata Ko Kong.
„Sebagimana soeda ternjata, keada'an di negri Oetara sanget berbahaja; Pak An Ong dan sekalian ponggawanja semoea ada terdiri dari orang-orang jang gaga perkasa dan berilmoe. Akoe soeda rasaken sendiri kasoekeran-kasoekeran jang terdjadi di sana, koetika akoe membawa barisan aken tindes gerakan di itoe negri, sampe brapa taon lamanja baroe bisa kaliatan hasilnja. Bong Loan ada saorang prempoean, lagi ia poenja kepandean dalem perkara silat belon sebrapa tinggi, dan lagi baroe pertama kali madjoe di medan prang, inilah jang membikin akoe kwatir dirinja itoe anak nanti djadi kenapa-napa.“
„Prihal 'ntji itoelah ajahkoe djangan boeat pikiran,“ kata Song In, „akoe dapet kenjata'an, ia ada sanget pande dalem perkara Boege, serta mengarti djoega begimana tjaranja orang moesti berlakoe di dalem peprangan.“
„Maski begitoe tiada oeroeng akoe moesti berkwatir djoega,“ kata Ko Kong, „tapi biarlah, sabegitoe lama Allah kaliatan telah melindoeng- ken pada kita orang, maka Bong Loan djoega akoe harep nanti dapet perlindoengan sebagimana moestinja.“
Satelah bitjara sampe di sitoe, sigra Ko Kong
