— 1413 —
dapet inget pada Hok Tjoen, hingga mendadak itoe orang bangsawan kaliatan djadi beringas.
„Sekali-kali akoe tiada doega, itoe djahanam jang sabegitoe lama akoe pandang sebagi familiekoe, tiada doega hatinja begitoe boeroek, serta ada mengandoeng itoe kahendak jang begitoe kedji, hina dan kedjem!“ kata ia. „Salekasnja akoe ingin sekali bisa poelang ka sana, di mana akoe nanti bikin peritoengan sama itoe menoesia keparat!“
„Sabenernja, kaloe Hok Tjoen itoe dapet pimpinan baek, tiadalah nanti ia membawa tjara jang begitoe matjem," kata Sioe Tji, akoe liat sendiri, selama Lo Ya tiada ada di roema Soen Hoedjin poenja tjara mengoeroes dalem roema begitoe lema, hingga djangan poela ia poenja tjoetjoe, boedjang-boedjang tiada ada satoe jang menaro inda.“
„Ja, itoe poen kaliatan ada tachdirnja Allah, boeat ini akoe poenja sala sendiri, tiada bikin akoe djadi begitoe menjesel,“ kata Ko Kong dengen mengela napas. So Nio jang baek soeda boedjoekin akoe menika; ia kasi ketrangan bahoea Soen Nio ada saorang baek, maski djoega akoe soeda njataken, bahoea anggepan itoe belon tjoekoep aken bisa dipertjaja. Tjobalah kaloe itoe tempo ia perhatiken akoe poenja omongan, nistjaja dirinja djoega tiada nanti men-
