— 1397 —
„Soeda tiada bisa sala lagi!" kata Kioe Tjian-
swe. The Koen dan si Gagoe poenja ketrangan
itoelah soeda sampe tjoekoep."
„Ketrangan-ketrangan jang di denger dari itoe doea orang memang sampe tjoekoep terang," saoet Ko Kong dengen hormat,,tapi di sini akoe hendak bikin papreksa'an terlebi djaoe, dan kaloe ternjata tanda-tanda jang akoe inget masi ada, itoelah ada boekti jang tiada bisa dapet di singkirken poela."
„Tanda begimana?" menanja Kioe Tjianswe. „Anakkoe koetika di lahirken tangannja tinggal mengepel, tiada bisa terboeka," kata Ko Kong, „tapi kamodian soeda dapet pertoeloengannja Lu Tjouw, dewa jang sakti, sampe tangannja anak itoe bisa terboeka seperti orang kebanjakan. Tempo Lu Tjouw mengobatin dan bikin semboe tangannja akoe poenja anak, pada doea tangannja ada di jap dengen seroepa tinta jang tiada bisa linjap. Tangan kirinja di tjap dengen 4 hoeroef „Eng Po He Leng", samentara di tangan kanannja djoega tertoelis 4 hoeroef,Gie Lan Seng Siang." Kerna doea-doea telapakan tangannja ada terdapet itoe tjap dari dewa, maka namanja djoega di panggil Song In."
„Oh, begitoe!" kata Kioe Tjianswe. „Tjoba akoe nanti preksa!"
Sabelonnja itoe pembesar bikin papreksa'an
