— 1398 —
Song In soeda doeloeken berkata: „Ja, akoe
poen heran, dari masi ketjil akoe dapet kenjata'an
doea doea telapakan tangankoe ada terdapet delapan hoeroef. Brapa kali akoe soeda tjoba bikin
ilang, gosok dengen segala matjem tapi pertjoema
sadja tiada maoe ilang."
„Tjoba mari akoe preksa!" kata Kioe Tjianswe jang djadi tergerak hatinja. la merasa keada'annja itoe pamoeda ada sanget mengheranken orang.
Setelah di preksa, bener pada doea telapakan tangannja Song In ada terdapet delapan hoeroef seperti apa jang tadi di seboet oleh Ko Kong. Ini hal di saksiken oleh semoea orang jang hadlir dalem roewangan itoe.
Orang bangsawan kita poen kliatan djadi sanget girang, Djoega The Koen, Djim Sioe Tji, ampir bersoerak saking soeka tjitanja.
„Ko Tjiangkoen," kata Kioe Tjianswe pada Song In, „sekarang soeda djadi tetep, bahoea Tin Kok Ong Ko Teng Tjan ada ajahmoe jang sedjati, maka silakenlah angkau membri hormat pada itoe orang toea."
Song In tiada menjaoet, hanja tinggal bengong sadja. Koetika Kioe Tjianswe oelangken perkata'an tadi, ini orang moeda lantas berloetoet seraja berkata: „Tjianswe, boekan sekali-kali Siauw- tjiang tiada trima baek dengen ini poetoesan, tapi lantaran tiada taoe doedoeknja jang bener dalem
