— 1362 —
mendjebak pada moesoenja, maka tiada heran koetika Thian Poet Pa poetoesken itoe tambang, mendadak dari satoe tempat di sitoe kadengeran swara tampik soerak rioe sekali, obor-obor kaliatan di sana sini.
Swaranja itoe orang begitoe banjak, hingga tiada bisa ditaksir brapa besar djoemblanja.
„Apa akoe bilang!" kata Pa Koensoe dengen kaget. „Sekarang kita soeda kena terdjebak oleh moesoe . . . . . . . . . ."
Belon abis ia berkata, doea panglima prang negri telah madjoe menerdjang pada itoe doea kapala pendjahat.
Soeda tentoe sadja Thian Poet Pa dan barisannja tiada bisa melawan sebagimana moestinja, kerna penjerangan itoe ada dengen mendadak. Kerna itoe satoe sama laen tiada bisa saling menoeloeng; Thian Poet Pa sendirian menerdjang pada tentara negri, sabisa-bisa ia ingin lolosken diri dari kepoengan itoe.
Sampe ampir pagi baroe Thian Poet Pa bisa menerdjang kaloear dari itoe tempat dan teroes melarikan diri. Sigra djoega marika sampe di pinggir soengei Louw Kang, di mana kabetoelan ada bertemoe satoe praoe jang lagi berlaboe di sitoe.
Semoea orang satoe persatoe bereboet maoetoeroen ka dalem praoe, kerna ia orang taoe
