— 1361 —
Thian Poet Pa meliat begitoe djadi mara sekali, sasoedanja menista kalang kaboet, ia lantas tjaboet goloknja, dengen apa ia potong tambangnja itoe lentera, jang sigra djato antjoer di tana.
Perboeatannja itoe kapala begal soeda bikin Pa Koensoe djadi kaget sekali. la lantas menghamperi seraja berkata: „Taij Ong soeda poetoesken itoe tambang lentera, akoe rasa hal ini aken menerbitken bahaja besar bagi kita poenja diri!”
„Kenapa begitoe?” menanja Thian Poet Pa.
„Akoe rasa itoe lentera tentoe ada dibikin sebagi pertanda'an apa-apa dari fihaknja moesoe. Djika boekan mengandoeng maksoed begitoe apatah perloenja?”
Thian Poet Pa djoega kaliatan djadi kaget, ia menjesel soeda kaloearken perboeatan kasar, dengen tiada mamikir apa-apa terlebi doeloe.
Peprangan besar antara kawanan pendjahat dan tentara di Tjoe Kat Shia. — Dengen satoe pana ajah menoeloeng poetranja.
Sebagimana pembatja taoe, itoe lentera sengadja di taroken oleh Ko Kong perloenja boeat
