— 1360 —
Kong sendiri dengen mengepalaken seriboe tentara djalan meronda di bebrapa tempat.
Sigra djoega itoe semoea soeda teratoer beres.
ᚼᚼᚼ
Sekaloearnja dari goenoeng Yauw Taij, Thian Poet Pa dan Pa Koensoe berdjalan dengen tjepet sekali. Dalem itoe perdjalanan sengadja ia mengideri Tjioe-Koan dan ambil djalan-djalan ketjil di dalem rimba, kerna kaloe djalan di tempat biasa, ia orang kwatir ketemoe tentara negri.
Liwat bebrapa hari kamodian, pada satoe malem kawanan pendjahat telah sampe di Jong Soe Po. Koetika itoe jalah di tanggal delapan blas, remboelan menerangi seantero tempat.
Dari masi djaoe semoea orang soeda dapet liat di sana ada tergantoeng lentera, maka tempo soeda sampe Thian Poet Pa sigra menghamperi dan dan bikin pepreksa'an; di sitoe ia dapet kenjataän, lentera itoe sengadja di gantoeng begitoe roepa dan tiada ketaoean apa maksoednja. Tapi koetika di preksa terlebi djaoe, pada bawa poehoen itoe ada tergantoeng satoe papan besar, di mana dengen terangnja satoe palita ketjil orang bisa dapet batja bebrapa baris toelisan jang ada tertoelis pada papan itoe. Begini boenjinja itoe soerat:
„Ini lentera sengadja di gantoeng disini jalah boeat menerangken perdjalanannja kawan pendjahat poenja perdjalanan mati.”
