— 1359 —
dalem kota Tjoe Kat Shia telah di seraken dalem tangannja Ko Teng Tjan, tapi penjera'an itoe tjoema samentara waktoe sadja, jaitoe selama ada di dalem kaperloean prang.
Ko Kong sigra komendir bebrapa riboe soldadoe dan tempatken itoe di loear kota bersama kira-kira tiga poeloe panglima prang, lebi djaoe di sapoeter kota telah di tempatken banjak soldadoe dan segala tempat ada di djaga dengan keras sekali. Kamodian di prenta doea ponggawa dengen seriboe soldadoe pergi semboeni di satoe tempat jang di panggil Jong Soe Po; di sitoe pada satoe poehoen jang tinggi ada di taro lentera, dan bila liat itoe lentera djato, tentoe begal soeda sampe di itoe tempat, dan marika itoe haroes kaloear dari tempat semboeninja aken tangkep padanja.
Djoega di prenta The An Gin dengen lima ratoes soldadoe bersendjata pana mengoempet di pinggir kali soengei Louw Kang, sedeng An Gin moesti menjaroe djadi toekang praoe, dan pesen begimana ia moesti berlakoe dalem itoe pakerdja'an.
Semoea orang jang di pakerdjaken dalem itoe sasoeatoe pakerdja'an di pesen haroes berlakoe ati ati, pada siapa jang melanggar prenta dan dapetken moesoe tiada di tangkep orang itoe aken di hoekoem tabas kepala, sedeng ia, Ko
