— 1336 —
perboeatan kedji, maka atas titanja pamerenta agoeng akoe sengadja dateng ka mari aken bikin bresi kau poenja tempat!“
„Kau dateng maoe moesnaken kita orang poenja tempat, hahaha!“ saoet itoe kepala begal sambil tertawa keras. „Akoe kira kau kliroe sobat, kerna kau poenja dateng ka mari brangkali perloenja maoe memboeang djiwa! Soeda blasan taon akoe berkoempoel djadi perampok di ini goenoeng, selama itoe boekan sedikit panglima negri jang ganti berganti dateng bikin penjerangan, tapi sebegitoe lama belon ada jang bisa sampeken maksoednja. Malahan bebrapa antaranja bisa dateng tiada bisa poelang!“
Mendenger begitoe Tjo Goanswe djadi mara sekali.
„Bangsat, siapa namamoe?“ ia menanja. „Kau taoe, kita poenja sendjata tiada nanti maoe mengambil djiwanja satoe moesoe jang namanja tiada terkenal!“
„Namakoe Hoei Liong, kapala Tauw-bak di ini goenoeng!“ saoet itoe panglima begal.
Tjo Goanswe sigra menoleh ka blakang seraja berkata: „Siapa bisa tangkep ini panglima begal orang itoe aken mendapet gandjaran besar!“
Satoe panglima sigra petjoet koedanja, jang laloe menerdjang pada Hoei Liong, tapi itoe panglima begal moendoer, sedeng gantinja madjoe
laen orang jang bekerdja di bawa prenta.
Ke Teng Tjan.
85
