— 1335 —
Kira-kira doea poeloe li terpisa dari goenoeng terseboet Tjo Goanswe lantas diriken pasanggrahan.
Kedatengannja itoe angkatan prang negri soeda lantas dapet di ketahoei oleh rahajat begal jang lagi djalan meronda, maka dengen lekas di laporken pada Taij-Ongnja di atas goenoeng.
Tiada lama Idari atas goenoeng kliatan banjak bendera berkibar-kibar, dan swara tamboer dipoekoel rioe sekali kadengerannja, hingga Tjo Goanswe sigra dapet taoe, maka laloe atoer barisannja aken menangkis datengnja marika itoe. Bener djoega koetika itoe, dari atas goenoeng toeroen satoe panglima begal jang mamegangsendjata golok, sedeng di blakangnja kira-kira anem atawa toedjoe ratoes rahajat begal jang lengkep dengen alat sendjata.
Tjo Goanswe dengen toembak melintang lantas berdiri di depan barisannja, ia poenja koeda boeloe item berdjingkrak-djingkrak dan tiada maoe diam, sebagi djoega itoe binatang soeda merasa tiada tahan dan ingin lekas bertanding.
Tatkala ka doea barisan soeda berhadepan satoe sama laen, Tjo Goanswe menoeding sama toembak seraja kata: ,,Kapala begal! Sakean lama kau bisa melakoeken berbagi-bagi kedjahatan, mengganggoe keamanan negri hingga boekan sedikit orang jang soeda djadi korban atas kau poenja perboeatan-
