— 1334 —
noeng, sedeng kau rame-rame bersama satoe barisan mengoempet di tenga djalan. Djika marika dapet taoe tempatnja di serang, tentoe ia orang aken tarik poelang barisannja aken menoeloeng tempatnja sendiri. Di sitoe baroe angkau bikin penjerangan pada moesoe akoe djoega nanti bantoe menjerang, jang dengen tjara begitoe marika kena diterdjang dari doea fihak.
Lebi djaoe Tjo Goanswe lantas atoer begimana itoe sekalian panglima haroes bekerdja: Sianhong Sian Sioe Eng bersama bebrapa panglima mengapalaken satoe barisan samboeni dalem satoe oetan deket tepi djalan jang melintas ka kota Sim Shia, aken pegat Siauw Pek Liong Heng Hin poenja perdjalanan, Joe Hoe Tjiangkoen Lo Hong Beng dengen satoe barisan semboeni di djalanan ka kota Tjiang Hoa Koan, pegat Siauw Go Liong Pa Tauw poenja perdjalanan poelang, sedeng Ong Poei, Soe Peng dan bebrapa orang poela di prenta semboeni di djalanan Hoe Jang Koan. Djoega ada di prenta bebrapa panglima laen diam diam mengikoet itoe bebrapa barisan, marika itoe di wadjibken aken membri pertoeloengan apabila ada perloe.
Semoea panglima jang telah trima itoe prenta, masing-masing lantas bersiapidan esoknia di waktoe masi pagi barangkat djalan, sedeng Tjo Goan-swe djoega sigra komendir pasoekannja teroes brangkat menoedjoe ka goenoeng Jauw Taij.
