— 1317 —
dari orang-orang jang hendak menjingkirken diri dari itoe bahaja.
Dalem itoe bahaja orang kaliatan tiada begitoe perloe lagi sama miliknja, hanja masing-masing tjoema perloe toeloeng djiwanja, djangan sampe kena ketarik aer.
Soen Nio merasa sanget ngeri tempo meliat itoe pemandangan, kaki tangannja bergoemeter, hingga ia moesti dipegang kiri dan kanan oleh Hong Dji dan Djimpo.
Semingkin lama aer semingkin kentjeng, swaranja menderoe-deroe, serta mendampari pinggiran tembok dari gedong Tin Kok Hoe.
„Abis sekarang begimana?" menanja Soen Nio sembari pandang moekanja itoe doea orang dengen moeka sanget poetjet. „Aer soeda naek begitoe tinggi, kita tiada ada poenja praoe seperti laen-laen orang, hingga dengen apa kita moesti singkirken diri dari ini tempat........."
„Tapi kita aken djadi mati kaloe tinggal diam sadja di sini," kata Djimpo, „ini roema tentoe djoega aken djadi ambles kena diterdjang aer."
Ini tiga orang tinggal memandang satoe sama laen dengen tiada bisa berboeat apa-apa.
Sabentar lagi kadengeran swara apa-apa, dan satelah Hong Dji menempo baroe ketaoean, goedang di samping gedong telah roeboe.
„Tjilaka!" treak itoe boedak dengen moeka
