— 1316 —
― „Bandjir!"
― „Bandjir di kali?"
― „Kaloe bandjir di kali ini tiada perloe kita moeti merasa takoet, tapi ini bahaja soeda menjerang ka dalem kota. Bendoengan-aer jang terletak di sebla Selatan kota telah petja; aer masoek ka dalem kota soeda bebrapa kaki dalemnja, hingga ¡ni gedong tiada lama lagi tentoe aken toeroet karendem!"
„Abis sekarang begimana?" menanja Soen Nió dengen sanget bingoeng dan tiada taoe apa moesti berboeat.
„Kaloe tiada tjepet lari tentoe mati!" kata Djimpo. Kamodian ini tiga orang naek ka atas loteng, dari mana ia memandang ka tempat jang sedikit djaoe. Di sana bener djoega soeda djadi bandjir besar, aer dateng begitoe kentjeng, sebagi djoega toeroen dari tempat jang tinggi.
Gedong Tin Kok Hoe pernanja ada di tempat jang paling tinggi dari roema-roema jang ada di sitoe, tapi tiada oeroeng soeda moelai kena terserang itoe bahaja.
Pada tempat-tempat jang pernanja sedikit renda soeda kena karendem, sedeng pot-pot kembang jang di taro di depan roema soeda terlipoet aer. Di sana sini ada kaliatan banjak praoe-praoe jang pergi ka sana sini tiada poetoesnja, kandaran-kandaran itoe semoeanja ada moeatan,
