— 1246 —
ternjata ada membawa kabar djelek boeat akoe, maka sigra akoe sogok Leng Tjo, soepaja ia bisa membri bantoean laen aken keniaja pada Ko Teng Tjan.“
―„Kenapa Gak hoe tiada sogok Souw Giesoe? Ia toch ada pembesar jang di brikwasa dalem itoe pepreksa'an sedeng Leng Tjo tjoema djadi orang jang menjaksiken djalannja pepreksa'an?
Souw Giesoe boekan djadi akoe poenja kambrat, sebagimana besar ia ada berfihak pada persakitan, maka akoe tiada brani njataken apa-apa padanja.“
Lebi djaoe ini dorna bri taoe, begimana dalem pepreksa'an Ko Teng Tjan telah trima berbagi-bagi hoekoeman brat, hingga Bong Loan jang mendenger itoe riwajat merasa di'iris-iris. Kamodian si dorna kasi taoe, dengen mengandoeng laen maksoed ia mendjadiken laen voorstel pada Baginda Keizer, bebasken Ko Teng Tjan dari toedoean dan laen-laen, sampe itoe orang bangsawan kena di boeang ka Leng Lam.
„Djadi dengen kasi pikiran begitoe Gak-hoe menaro kasian djoega dan kasi idoep pada itoe moesoe?“ menanja Bong Loan.
„Tida bisa!“ kata Lu Kok Tjaij sambii tertawa, dan lantas kasi taoe bagimana ia soeda kirim orang boeat boenoe Ko Teng Tjan di tenga perdjalanan.
Koetika ia bitjara sampe di sitoe perkata'annja
