— 1229 —
„Oh, njatalah kita orang semoea poenja mata boeta!" berseroe marika itoe jang masing-masing lantas toeroen dari atas koedanja dan dengen senang hati iaorang soeka toeroet di bawa prentanja.
Bong Loan djoega boeroe-boeroe toeroen dari atas toenggangannja, bangoenken pada marika itoe dan dengen perkata'an manis hiboerken hatinja.
Baginda poen itoe koetika soeda menjaksiken sampe terang tentang keada'an Siotjia kita di itoe waktoe.
„Itoe pamoeda jang pake badjoe prang bewarna poeti, pegang sendjata toembak, toeroet kami poenja penglitan pantes di trimaken pangkat Goanswe padanja, tjoema blon taoe Soewie Hian- keng moefaket atawa tiada?" tanja Baginda pada itoe ampat pembesar.
„Batoel, itoelah jang memang pantes di anoegraken pangkat," kata Dji Lam Ong begitoe poen jang laen-laen.
Atas prentanja Baginda Kou Tjan (Ko Siotjia) disilaken naek ka atas panggoeng. Gadis kita berloetoet di hadepan Baginda radja dengen menjeboet tiga kali: Ban Swe Ban Ban Swe; Baginda lantas bikin banjak pertanja'an jang satoe persatoe telah di djawab dengen lantjar.
„Kou Keng sabenernja ada pembesar civiel, maka kami moesti njataken slamat pada rochnja, kerna ia begitoe beroentoeng dan poetranja telah
