— 1230 —
terpimpin begitoe bagoes dalem perkara Boege," kata Baginda kamodian.
Bong Loan berloetoet dan njataken, ia blon haroes dapet poedjian jang begitoe tinggi.
Lebi djaoe baginda berkata: Sekarang ini Pak An Ong telah geraken barisannja dan terbitken pembrontakan lagi; selaennja itoe di Kang Lam poenja rahajat negri roepa-roepanja ada ambil sikep aken melawan pada pamerentah jang lebi atas, maka kami ingin dapet ketrangan dari kau, begimana kita orang moesti berboeat dalem itoe perkara?"
„Tentang itoe pembrontakan rahaja di bilangan Kang Lam, toeroet hamba poenja pikiran tiada tjoekoep aken Baginda boeat pikiran, sebab marika itoe ada terdiri dari rahajat negri, sedeng alat sendjata tjoema mengharep dapet pertoeloengan dari begal-begal di pagoenoengan," kata Bong Loan. „Tapi pembrontakan jang terdjadi di fihaknja Pak An Ong, ini sekali-kali tiada boleh di tinggal diam; seketjil-ketjilnja marika itoe teritoeng negri dan ada radjanja, maka tentoe sadja marika ada poenja persedia'an tjoekoep aken bisa sampeken maksoednja. Djadi sekarang paling perloe pademken doeloe itoe pembrontakan di negri asing, kamodian plahan-plahan baroe sapoe bresi hoeroe-hara jang terdjadi di dalem negri.".
Mendenger begitoe Baginda djadi girang se-
