— 1218 —
Tjeng Bwe tjari satoe roema penginepan jang paling baek, dimana ia silaken Ko Siotjia tinggal di sitoe.
Malemnja itoe nona dan boedak lantas berdami begimana dan nama apa moesti di pake boeat kasi masoek pada pengoeroes oedjian:
„Kaloe akoe pake she Ko dan sekalipoen namanja di roba, tapi akoe kwatir dorna-dorna moesoenja Loija nanti korek itoe perkara she dan tjara begitoe akoe bisa mendapet tjilaka," kata Bong Loan, maka dari itoe tjoba kau bantoe pikir Tjeng, nama dan she apa jang akoe moesti pake?"
„ Orang jang di tanja berdiam sabentaran, tapi kamodian dengen roepa girang ia berkata: Ada! akoe bisa oendjoek satoe nama jang bagoes boeat Siotjia."
„Begimana?" menanja Bong Loan.
„Akoe rasa paling baek Siotjia pake namanja Kou Ya," kata poela Tjeng Bwe. Kamodian hari kaloe nona beroentoeng bisa dapet pangkat dan itoe nama tersiar di sana sini, nistjaja Kou Ya dapet denger dan tentoe ia aken dateng 'tjari, kerna ia poen tentoe ingin dapet taoe, siapa orangnja jang mempoenjai nama saroepa seperti namanja sendiri."
Tapi apatah tiada mendjadi halangan bila pake ia poenja nama?" menanja Bong Loan.
