— 1219 —
—„Halangan apa?
—„Boekantah Ia ada tersangkoet perkara sama negri berhoeboeng dengen itoe pemboenoean di Ngo Siong San?"
— „ Betoel begioe. Tapi apatah Siotjia tiada denger, pemerentah tjoema perloe dapetin orang jang gaga, dengen tiada perdoeli orang itoe berdosa atawa tiada, Kadosa'an boleh di bitjaraken di hari kamoedian, ia poenja djasa jang nanti teboes itoe semoea."
Bong Loan tiada menjaoet, tapi njata ia merasa setoedjoe dengen pikirannja Tjeng Bwe.
Begitoelah pada esok paginja ia kasi masoek itoe nama pada pengoeroes pembesar militaire, jang sedari satoe boelan jang lalee ada terboeka aken trima nama-nama orang jang bakal toeroet dalem pengoedjian.
Tatkala sampe hari jang di tetepken, di dalem kota radja soeda djadi rame dengen orang banjak jang hendak adoe peroentoengan. Marika itoe terdiri dari golongan toea dan moeda; djoega masing-masing ada jang berasal dari satoe kampoeng, tapi antaranja banjak jang dateng dari tempat djaoe.
Di antara itoe orang banjak, soeda teritoeng djoega kita poenja nona djago, atawa Ko Siotjia. Itoe orang-orang jang aken toeroet ambil oedjian dengen mererot rerot pergi ka Ngo Liong Jan,
