— 94 —
ka dalem kota radka, maka Thia Kauw Kim sendiri troes masoek menoedjoe djalan kadepan memang selamanja ada orang jang mendjaga, serta dapet liat Thia Kauw Kim dateng, lantas dia menanja: — he Tjianswee Ja soeda poelang kombali ?
Thia Kauw Kim: — belon ! sekarang ada perkara jang perloe sekali dari itoe engkau misti lekas kasi taoe di hadepan poetra baginda radja, serta orang pendjaga itoe mendenger lantas sigra masoek kadalem aken melapor kepada baginda Lie Tie mendapet kabar itoe lantas sigrah kloear troes berdoedoek di kantoor kratonnja.
Sjahadan Thia Kauw Kim dengen sigra lantas mengadep di hadepan Lie Tie dengen berloetoet sambil berkata: — Tjianswee Tjiantjianswee !
Maka baginda Lie Tie meliat lantas pangeil : - Thia Ong Pe harep bole berdoedoek, maka disitoe baginda Lie Tie lantas menanja:— he Ong Pe, kami poenja bapa pegi memaloemken prang di negri Souw Pak begimana ka-adadnnja ? sekarang prenta Ong Pe dateng disini membawa kabar apa ?
Thia Kauw Kim. — jang Banswee Ja pegi poekoel negri Souw Pak moela pertama soeda bisa hantem sampe lima kota moesoe sahingga terampas, komedian kena moesoe pake tipoe kosongken kotanja sampe Banswee Ja kena terkoeroeng
