— 93 —
soedara angkat (Kiat Gie Heng Te), sekarang saija harep tanja pada Pehoe begimana saija poenja bapa toeroet baginda radja pegi memaloemken prang di negri Souw Pak apa dapet kamenangan atawa kalah?
Thia Kauw Kim denger di tanja lantas kasi tjerita satoe persatoe dari awal moela pertamahnja sampe di panghabisan.
Serta Toean Lim denger lantas merasa sedi troes melele aer matanja.
Maka disitoe djoega lantas Thia Kiauw Kim berkata: sekarang tjoetjoe troesa kwatir satoe apa, oleh kerna tjoetjoe masi anak moeda, lebi bae bole pegi menoeloeng sadja.
Toan Lim:—apa itoe bala tentara sekarang soeda poelang kombali atawa blon ?
Thia Kauw Kim: — tiada, kerna sekarang kami di prenta oleh baginda radja boeat dateng disini aken minta bala bantoean, sekarang lebi bae tjoetjoe poelang sadja di roemah kerna besok pagi di tanah lapang hendak Piboe, aken tjari orang jang gaga boeat menerima pangkat Djie Louw Gwanswee bawa bala tantara pegi menoelong radja dan tjoetjoe bole sedia sendjata dengan koeda boeat pegi di tana lapang.
Serta Toean Lim denger lantas mendjadi girang hatinja laloe berkata: — baik lah. Maka ka doea orang itoe lantas bersama-sama djalan masoek
