— 95 —
di kota Bok Jang Shia, maka itoe djadi kita poenja bala tentara tiada bisa masoek dan kloear, maka dari sebab itoe Banswee Ja prenta hamba serta di kasi satoe Sengtjie boeat kloear kota dateng disini aken minta soldadoe bantoean dan ini dia poenja Sengtjie harep baginda bole preksa.
Komedian di waktoe itoe baginda Lie Tie lantas bangoen dari krosinja dengen kadoea tangannja aken trima itoe Sengtjie, troes di boeka dan di batja, maka Ketahoean jang Baginda radja Lie Sie Bin telah terkoeroeng di Bok Jang Shia serta ada prenta Thia Kauw Kim boeat, minta bala bantoean, maka seabisnja baginda Lie Tie meliat Sengtjie itoe laloe dia berkata: Ja Thia Ong Pe dijikaloe begitoe baik lah besok pagi poekoel 5 bole berdiriken 1 panggoeng boeat Piboe (tjari orang jang gaga) aken trima pangkat Djie Louw Goanswee, dan Thia Oug Pe bole prenta sekalian itoe Kongtjoe jang moeda-moeda boeat berhadir disitoe. Serta Thia Kauw Kim trima prenta laloe mendjawab kata : — baik, troes kloear laloe berdjalan pegi, sampe di gedongnja Lo Tong Kongtjoe maka disitoe ada boedak jang mendjaga pintoe lantas melapor kapada Hoedjin Ma’hnja Lo Tong) katanja: Ja Hoedjin, sekarang di loear ada Thia Lo Thianswee lagi menoengeoe hendak bertemoe.
Demikian Hoediin mendenger lantas prenta
